Khuda Ne Har Kisi Ko Ek Naya Andaaz Buksha Hai Hamd Bari Tala Lyrics Urdu
حمد پاک
خدا نے ہر کسی کو اک نیا انداز بخشا ہے
کسی کو سوز بخشا ہے ، کسی کو ساز بخشا ہے
کسی کو سوز بخشا ہے ، کسی کو ساز بخشا ہے
عطا کرکے کسی کو رنگ و رونق ، دلکشی ، شوخی
جمال و حسن کا بے مثل اک اعجاز بخشا ہے
ترنم سے نوازا ہے کسی کو ربِ اکبر نے
کسی کو ماہرِ فن خوشنما شہباز بخشا ہے
گلوں کو رنگ و بو سے کس قدر شاداب رکھتا ہے
پرندوں کو عجب بال و پرِ پرواز بخشا ہے
نعتیہ حمدیہ اشعار اردو
فرشتوں کو ادائے بندگی سکھلائی ہے رب نے
مگر حوروں کو اس نے صورتِ شہناز بخشا ہے
رضائے رب جسے چاہے عطا کر دے نیا منصب
اسی نے ہر کسی کو ذلت و اعزاز بخشا ہے
وفا کا رنگ دنیا میں دیا عشّاق کو جس نے
حسینوں کو اسی نے دلبری کا ناز بخشا ہے
ادا کیسے کروں میں شکر اپنے ربِ اعظم کا
مجھے جس نے بہت اعلیٰ ، حسیں ہمراز بخشا ہے
زمانے کی نزاکت کو بھلا سمجھے نہیں کیسے
دلِ شاعر کو قدرت نے شعورِ راز بخشا ہے
خدا چاہے گا تو پھر خوب تر انجام بھی ہوگا
مجھے ذوقِ سخن کا اس نے جب آغاز بخشا ہے
کروں کیسے بیاں رب کی عطا کردہ نوازش کا
اسی نے فن میں خود منصب مجھے ممتاز بخشا ہے
خیالی دیوتاؤں پر کسی کو فخر ہے تو کیا ؟
غزالی کو محمد مصطفےٰؐ پر ناز بخشا ہے
Hamd Bari Tala Lyrics Urdu Photo Hd Download
از قلم - محمد مصطفےٰ غزالی ، پٹنہ
رابطہ ۔ 9798993200 : 8409508700
Read More اور پڑھیں
0 टिप्पणियाँ