دونوں عالم کا وہ مختار ہے اللّہ اللّہ | Hamd

حمد باری تعالی شاعری- Hamd Shayari Urdu

حمد

حمد و ثنا اردو Hamdo Sana Shayari

دونوں عالم کا وہ مختار ہے اللّہ اللّہ
وہی سرداروں کا سردار ہے اللّہ اللّہ

رنگ و بو، غنچہ و گل، برگ و ثمر، شاخ و شجر
بانئے رونقِ گلزار ہے اللّہ اللّہ

وہ علالت، وہ نقاہت، وہ الم، وہ غم و درد
خاتمِ زحمت و آزار ہے اللّہ اللّہ

ساری اشیائے زمانہ کو ذرا غور سے دیکھا
رض و افلاک میں اظہار ہے اللّہ اللّہ

حمد اردو

ہم تو غافل بھی ہیں کاہل بھی ہیں خوابیدہ بھی ہیں
لمحہ لمحہ وہ تو بیدار ہے اللّہ اللّہ

ہم میں دانش نہیں اتنی اسے کیا سمجھیں گے
وہ تو اسرار ہی اسرار ہے اللّہ اللّہ

اس کی حد بندی بھلا کون کرے دنیا میں
جا بجا بے د رو دیوار ہے اللّہ اللّہ

اپنی زریاب کو شہکاری عطا کردے ذرا
بس تو ہی خالقِ شہکار ہے اللّہ اللّہ

ہاجرہ نور زریاب
آکولہ مہاراشٹر انڈیا

Read More اور پڑھیں

●حمد باری تعالیٰٰ اردو حمد باری تعالی Hamd Bari Tala In Urdu Written
●حمد باری تعالیٰ اردو میں لکھی ہوئی Hamd Allah Lyrics In Urdu
●خدا نے ہر کسی کو اک نیا انداز بخشا ہے، حمد پاک، حمد باری تعالی اردو
●حمد باری تعالی اردو | حمد باری تعالی شاعری | حمد و ثنا نظم