Shab e Meraj Par Shayari In English | Meraj Un Nabi Mubarak Poetry In English
Urdu lyrics
Shab e Meraj Me
Bakht Sab ka Jagmaga Uttha Shab E Meraj Me
Sadqa Har Aalam Ne Hai Paya Shab E Meraj Me
Mustafa Salle Ala Ke Talwoñ Par Apni Jabeeñ
Dekhlo Jibreel Hai Malta Shab E Meraj Me
Kardi Puri Aarzu Mehboob e Haq Ne Jis Ghadi
Khoob Phir Burraq Muskaya Shab E Meraj Me
Ba'ad Saare Ambiya Ke Aaye Jaan E Intezar
Shaad Hai Be Had Dil e Aqsa Shab E Meraj Me
Naqsh E Paa E Para E Qalb E Janab E Amina
Chand taaro'n Ne Bhi Hai Chuma Shab E Meraj Me
Ye Meri Me'raj Hai Me Aapki Ummat Me Hoon
Rab Ko Dekha Aapne Aaqa Shab E Meraj Me
Rehmat Ul Lilaalameeni Par Karodho Jaañ Nisar
Yaad Ham Jaiso Ko Farmaya Shab E Meraj Me
Fajr Zuhar O Asr Magrib Aur Isha Jaisa Haseeñ
Tohfa Simt E Rab Se Hai Aaya Shab E Meraj Me
Chashm E Shaahe Behro Bar Me Jalwa E Rabbe Kareem
Dekhte Hain Hazrat E Musa Shab E Meraj Me
Ya Rasool Allah Gunahon Ki Mauafi Ho Ata
Hoon Main Sab Se Bad Khayal Aaya Shab E Meraj Me
Meri Hasti Hai Zameeñ Par Bojh Aur Rehmat Hain Aap
Mujhko Bhi Kar Dijiye Achchha Shab E Meraj Me
Jisne Chume Hain Qadam Hai Woh Zameeñ Ab Bhi Hari
Mera Murjha Dil Bhi Ho Taza Shab E Meraj Me
Ya Nabi Main Hoon Gulamoñ Ke Gulamoñ Ka Gulam
Ho Ata Mujhko Bhi Kuchh Sadqa Shab E Meraj Me
Aye Inamul Ambiya, Farmaiye Isko Qubool
Jo Bhi Hai Tauseef Ne Likkha Shab E Meraj Me
✍️Az- Tausif Raza Razvi
+91 9594346926
Read More:
0 टिप्पणियाँ