عید قرباں مبارک شاعری اردو | پردیس میں عید شاعری | عید مبارک دعا شاعری
عید قرباں مبارک
منائیں نہ کیوں مل کے ہم عید قرباں
حدیثوں میں ھے جب رقم عید قرباں
براہیم کا ہے کرم عید قرباں
ہے اپنے لیے ذی حشم عید قرباں
ہے اپنے لیے ذی حشم عید قرباں
پسندیدہ چشم شریعت میں تو ھے
ھے عظمت پہ سر اپنا خم عید قرباں
ہے سنت خلیل الہی کی اس میں
دلاتی ہے یاد حرم عید قرباں
ہمیں جذبہء بندگی اور ایثار
سکھاتی ھے ہر ہر قدم عید قرباں
خیال خلیل خدا میں ہیں گم ہم
مٹاتی ھے درد و الم عید قرباں
زمانے میں ھے یہ ہمارے لیے شاں
اٹھاتی ہے دیں کا علم عید قرباں
ہر اک بال کے بدلے ملتی ہے نیکی
ہمارے لیے ہے اہم عید قرباں
خدا نے دیا جن کو انعام ، ان کا
دکھاتی ہے نقش قدم عید قرباں
ہمیں دیتی ہے پھول خوشیوں کا "عینی"
کہ ہے قاطع خار غم عید قرباں
سید خادم رسول عینی
Eid Qurban Mubarak Wishes Quotes Image HD
از: سید خادم رسول عینی
0 टिप्पणियाँ