شبِ قدر نعت شریف شبِ قدر کی شاعری
دیکھی حالت نہ ایسی کبھی عید کی
اے خدا دیکھ تو بیکسی عید کی
کس قدر مضمحل ہے گھڑی عید کی
ہر برس جو ہوا کرتی تھی عید کی
اب کے غائب ہے وہ دلکشی عید کی
دُھن میں ہو آدمی آدمی عید کی
کاش کہ رقصاں ہو زندگی عید کی
اے خدا اس وباء سے عطا کر نجات
چھین لی جس نے ہم سےخوشی عید کی
چاند سورج نے غنچوں نےاور پھولوں نے
سب نے ہی تہنیت ہم کو دی عید کی
کس قدر سونی سونی ہے آمد خدا
تیری انعام میں دی ہوئی عید کی
جس کا شدت سے کرتے تھے ہم انتظار
آ گئی آ گئی و ہ گھڑ ی عید کی
دل سے دل بھی ملیں اِن گَلوں کی طرح
کاش کہ لاج رکھ لیں سبھی عید کی
جب و ہ آ کر ہمار ے گلے لگ گئے
ہو گئی پھر خوشی دو گنی عید کی
دشمنوں کو بھی بڑھ کر لگاؤ گلے
کہ روایت ہے بس اک یہی عید کی
میرے گھر آج تشریف لاٸے ہیں وہ
بڑھ گئی اور بھی دلکشی عید کی
جیسی ابکے ہےکی اس مرض نے خدا
دیکھی حالت نہ ایسی کبھی عید کی
کوئی محروم رہنے نہ پاٸے ”ذکی“
آؤ آپس میں بانٹیں خوشی عید کی
ذکی طارق بارہ بنکوی
سعادتگنج، بارہ بنکیوپی۔بھارت
Eid Mubarak Shayari Lyrics Urdu
رمضان المبارک شاعری | عید مبارک شاعری
Read more اور پڑھیں
0 टिप्पणियाँ