ملکِ عدم کا سفر اردو شاعری-منزل پر شاعری-آخری سفر شاعری

Zindagi Ka Safar Urdu Shayari

غزل

زندگی کا سفر شاعری

ملکِ عدم کا پیش ہے یا رب سفر مجھے

وہ وقت نزع دیکھ لیں بس اک نظر مجھے

اسباب کیا ہیں ان کی نہیں ہے خبر مجھے

جن کے لٸے وہ کرنے لگے در گزر مجھے

سفر پر غزل

کہتے ہیں جس کو اہل زمانہ صراط حق

وہ آپ کے کرم سے ملی رہ گزر مجھے

اس فکر میں گزرتے ہیں لمحاتِ روز و شب

یہ عشق لے کے جاۓ گا جانے کدھر مجھے

بس ایک بار دیکھ لیں وہ التفات سے

لگتی ہے صرف یہ ہی دوا کارگر مجھے

اس درجہ پختگی مرے ایماں کو ہے نصیب

گمراہ کر نہ پاۓ گی تو حرص زر مجھے

کیسی بھی مشکلات ہوں صبر و رضا کے ساتھ

کرنا ہے طے حیات کا ہر اک سفر مجھے

رضاالحسن رضا