محبت شاعری | اردو شاعری | Mohabbat shayari | Urdu shayari

Mohabbat Shayari Urdu

Love Shayari in urdu

Urdu Ghazal

اس کے جیسا جمال کس کا تھا
اور وہ ہم خیال کس کا تھا

آج تک میں نہ بھول پایا جسے

وہ رخِ بے مثال کس کا تھا

کھڑکیوں سے طلوع ہوتا تھا

اے زمیں وہ ہلال کس کا تھا

جام چائے شراب لب سگریٹ؟؟

میرے لب پر سوال کس کا تھا؟

Urdu Shayari On Love

ملنے سے قبل تیرا یا میرا

گھر میں جینا محال کس کا تھا

زندگی بھر رہیں گے ساتھ صنم

یاد ہے وہ خیال کس کا تھا

ساتھ میرا دیا نہیں کاظم

پھر نہ پوچھو ملال کس کا تھا

محمد کاظم شیرازی

جونپوری یوپی انڈیا

محبت بھری غزل اردو شاعری

دل دکھانے کا کام کر رہے ہیں

پھر بھی ہم احترام کر رہے ہیں

عشق کا ڈھونگ رچ کے لوگ یہاں

بے حیائی کو عام کر رہے ہیں

اب کہاں ہے خلوص لوگوں میں

لوگ رسماً سلام کر رہے ہیں

آخرت کے لئے جہاں میں آپ

جانے کیا انتظام کر رہے ہیں

مجھکو ٹھکرا کے آج جیسے کوئی

مجھ سا پھر احتشام کر رہے ہیں

زندگی تم پہ وار کر جاناں

اپنا قصہ تمام کر رہے ہیں

دل بھی دینا سنبھال کر دینا

لوگ اب انقسام کر رہے ہیں

چاک دامن ہے چشم گریاں ہے

اور رب سے کلام کر رہے ہیں

پاس اپنے نہیں ہے کچھ بھی مگر

زندگی انکے نام کر رہے ہیں

اہل چائے ہیں سب یہاں کاظم

کیوں عنایت یہ جام کر رہے ہیں

محمد کاظم شیرازی

جونپور یوپی انڈیا

Tumhe Pane Ki Chahat Thi Urdu Shayari | Mohabbat Shayari

تمہیں پانے کی چاہت تھی میاں پہلے بہت پہلے

تمہی سے بس قرابت تھی میاں پہلے بہت پہلے

تمہیں ہی سوچتے رہنا یہی تھا مشغلہ اپنا

ذرا سی بھی نہ فرصت تھی میاں پہلے بہت پہلے

کبھی کھڑکی پہ جھاکوں تو کبھی چھت سے تمہیں دیکھوں

یہی آنکھوں کی خصلت تھی میاں پہلے بہت پہلے

اداسی تھی نہ چہرے زرد تم کو دیکھنے سے قبل

فقط رخ پر مسرت تھی میاں پہلے بہت پہلے

دوانہ یار کہتے تھے سبھی پاگل سمجھتے تھے

مری کچھ ایسی حالت تھی میاں پہلے بہت پہلے

اگر وہ ساتھ میرے ہو تو لڑجاتا تھا سب سے میں

وہ ہمت تھی کی طاقت تھی میاں پہلے بہت پہلے

ضرورت ہے مجھے اسکی دعا کرتا تھا رب سے روز

یہی لب پر تلاوت تھی میاں پہلے بہت پہلے

اگر میں آہ کرتا تھا تڑپ اٹھتی تھی وہ کاظم

کہ ایسی کچھ محبت تھی میاں پہلے بہت پہلے

محمد کاظم شیرازی جونپور یوپی انڈیا