محمد زاہد رضا بنارسی کی نعت| بہت زمانے سے ہاتھ دھوکر یہ|Urdu Naat

نعت رسول اردو-Naat Sharif Urdu Mein

نعتِ رسولِ کریم ﷺ

Best Naat Lyrics in Urdu

بہت زمانے سے ہاتھ دھوکر یہ دنیا پیچھے پڑی ہوئی ہے
یہ سب تمہارا کرم ہے آقا کہ بات اب تک بنی ہوئی ہے

یقین کیجیے کہ جب سےمجھ پر نگاہِ لطفِ نبی ہوئ ہے
ہر ایک منزل پہ سرخرو ہوں ہر اک جا عزت بنی ہوئی ہے

وہ جس پسینےکی خوشبوؤں پر فدا ہے عطر وگلاب کی بو
ہمارے ذہن ومشامِ جاں میں اسی کی خوشبورچی ہوئی ہے

لکھی ہوئی نعت شریف

ادھر خداکاجلال اپنے عروج پر ہے بروزِ محشر
ادھر مگر مصطفےکی رحمت شفاعتوں پر اڑی ہوئی ہے

ابھی بہارِ بہشت میری نظر کو راغب نہ کرسکے گی
ابھی تو شہرِ نبی کی زینت نظر میں میری بسی ہوئی ہے

فقیر ہو یا کوئی تونگرگداہویاتاجور ہوکوئی
غرض کہ سنگِ درِ نبی پر جبین عالم جھکی ہوئی ہے

مرے کریم و شفیق آقا نے تو بہت ہے نوازا لیکن
خود اپنے ہی دامنِ طلب میں مجھے اے "زاہد" کمی ملی ہے
محمد زاہدرضابنارسی

دارالعلوم حبیبیہ رضویہ گوپی گنج بھدوہی
یوپی۔انڈیا