Love poetry in urdu | Urdu shayri | محبت شاعری غزل

سچی محبت شاعری| Best Poetry In Urdu

عشق پیار محبت شاعری | Love Shayari Urdu

غزل

Romantic Shayari In Urdu

گل محبت کے تو کھلائے جا
اے مرے یار مسکرائے جا

تو لگا کر قیاس باتوں کے
میرے احساس بس چرائے جا

دل پہ جو گزرے وہ گزرنے دے
تو کہ تیرِ نظر چلائے جا

پاؤں تیرے بھلے زمیں پہ رہیں
حق فلک پر مگر جتائے جا

چھوڑ کر فکر اس زمانے کی
ایک دوجے میں بس سمائے جا

چھین کر سارا چین دل کا مرے
نیند آنکھوں کی تو اڑائے جا

میرے گلشن کا تو نگہباں ہے
خار اگا یا کے گل اگائے جا

اے مری جاں نہ ہو پریشاں تو
میں ہوں تیری یقین لائے جا

میرے خوابوں کے آسمانوں پر
شمش بن کر کے جگمگائے جا

 "ناز" کھلنے کا غم نہ کر ہر گز
رازِ دل اپنے سب بتائے جا
ممتا گپتا "ناز"
اترولہ ، گونڈہ
اتر پردیش